Маросими имзои санадҳои сеҷонибаи Тоҷикистон, Қирғизистон ва Узбекистон

01 Nisan 2025 tarihinde SİYASET kategorisinde yayınlandı.

31.03.2025

Пас аз анҷоми музокироти сеҷониба маросими имзои Шартнома миёни Ҷумҳурии Тоҷикистон, Ҷумҳурии Қирғизистон ва Ҷумҳурии Узбекистон дар бораи нуқтаи пайвастшавии сарҳадҳои давлатии се кишвар ва Эъломияи Хуҷанд доир ба дӯстии абадӣ баргузор гардид.

Санадҳои муҳими таърихӣ – Шартнома миёни Ҷумҳурии Тоҷикистон, Ҷумҳурии Қирғизистон ва Ҷумҳурии Узбекистон дар бораи нуқтаи пайвастшавии сарҳадҳои давлатии се кишвар ва Эъломияи Хуҷанд доир ба дӯстии абадӣ дар фазои тантанавӣ аз ҷониби сарони давлатҳо муҳтарам Эмомалӣ Раҳмон, муҳтарам Садир Жапаров ва муҳтарам Шавкат Мирзиёев ба имзо расид.

Сипас сарони давлатҳо дар маросими ифтитоҳи фосилавии стелаи (сутуни) рамзӣ дар нуқтаи пайванди сарҳадҳои давлатии Тоҷикистон, Қирғизистон ва Узбекистон иштирок намуданд.

Бо розигии сарони давлатҳо аз ҷониби намояндагони масъули ҷонибҳо иншооти рамзӣ дар фазои тантанавӣ ифтитоҳ ёфт.

Садои мусиқӣ дар майдони ифтитоҳи иншоот бо истифода аз карнай, сурнай ва дигар созҳои миллӣ ба маросим шукӯҳи хосса бахшид.

Kaynak:https://www.president.tj/event/news/50328

Son Güncelleme: 01 Nisan 2025 | Etiketler: ва, Гулистон, имзои, Қирғизистон, Қирғизистон ва Узбекистон, маросими, Маросими имзои санадҳои сеҷонибаи Тоҷикистон, санадҳои, сеҷонибаи, Тоҷикистон, Ӯзбекистон, Ҷумҳурии, шаҳри, шаҳри Гулистон, Эмомалӣ Раҳмон